नाशिक (प्रतिनिधी): नायलॉन मांजाची विक्री करण्याच्या उद्देशाने जवळ बाळगताना आढळून आल्याने चांदवड पोलिसांनी दोघांविरुद्ध कारवाई करत गुन्हा दाखल केला आहे. याप्रकरणी पोलिसांनी ५५०० रुपये किमतीचे नायलॉन मांजाचे ११ रिळ जप्त केले आहेत. राज्यात बंदी असलेल्या घातक नायलॉन मांजाविरोधात पोलिसांकडून सर्वत्र मोहीम राबविली जात आहे. येथील हनुमाननगर परिसरात नायलॉन मांजाची विक्री होत असल्याची माहिती मिळाल्याने पोलिसांनी तेथे छापा टाकला. यावेळी विनापरवाना विक्रीसाठी नायलॉन मांजा कब्जात बाळगताना आढळून आल्याने पोलिसांनी ओमकार शेवाळे, समी कुरेशी (रा. वरचे गाव, चांदवड) यांच्याकडून ५५०० रुपये किमतीचे नायलॉन मांजाचे ११ रिळ जप्त केले. याबाबत पोलीस कर्मचारी शिवनाथ शेळके यांच्या फिर्यादीवरून चांदवड पोलिसांत गुन्हा दाखल करण्यात आला आहे. याबाबत अधिक तपास पोलीस नाईक सुनील जाधव करीत आहेत.
Related Posts
नाशिकमध्ये ‘साहित्यकणा’चा जागर
मानवी मूल्यांचा ‘कणा’ ताठ ठेवण्याचे आवाहन – डॉ. पृथ्वीराज तौर नाशिक (प्रतिनिधी): साहित्यकणा फाऊंडेशन, नाशिक यांच्या वतीने आयोजित राज्यस्तरीय साहित्यकणा संमेलन उत्साहपूर्ण…
मोटार अपघात नुकसान भरपाईवरील व्याज होणार करमुक्त!
१ एप्रिल २०२६ पासून टीडीएस कपात होणार नाही; सीए डॉ. दिलीप सातभाई नाशिक (प्रतिनिधी):मोटार अपघात प्रकरणात न्यायालयीन प्रक्रियेमुळे उशिरा मिळणाऱ्या…
नाशिकवरुन तुम्ही करू शकणार तिरुपती, अयोध्यासह ३५ शहरांसाठी विमानात प्रवास!
नाशिक (प्रतिनिधी): ३१ मार्चपासून देशातील ३५ प्रमुख शहरांसाठी कनेक्टिंग विमानसेवा सुरु होणार आहे. यामध्ये तिरुपती, श्रीनगर, चंदिगड, गुवाहाटी, कोइंबतूर, कोलकाता,…