जादा पैशाचे अमिष दाखवून बिंगो गेमच्या माध्यमातून 27 लाख 60 हजारांची फसवणूक; 7 जणांविरूद्ध ओझरला गुन्हा दाखल

Share News

ओझर : प्रतिनिधी

ऑनलाईन सायबर बिंगो (रोलेट) गेमच्या माध्यमातून जादा पैसे देण्याचे आमिष दाखवून 7 जणांनी एकाची 27 लाख 60 हजार रुपयांची फसवणूक केल्या प्रकरणी फसवणूक करणाऱ्या 7 जणांवर ओझर पोलिसांनी गुन्हा दाखल केला आहे .

सन 2011ते फेब्रुवारी 2023 पर्यत वेळोवेळी अचल चौरसिया, रमेश चौरसिया दोन्ही (रा. मुंबई), कैलास शहा (रा. नाशिक), राजकुमार त्र्यंबक जाधव उर्फ कुमार जाधव (रा. ओझर), अमोल बाबुराव कदम (रा. निफाड), दीपक चिंतामण सोनवणे (रा.लासलगाव), वैभव जगदीश बच्छाव (रा. जेलरोड, नाशिक) यांनी संगनमत करून ऑनलाईन सायबर बिंगो (रोलेट) गेम खेळल्यास झटपट दुप्पट पैसे मिळतात, असे विश्वासाने सांगून अधिक आर्थिक लाभाचे अमिष दाखवून रामदास अर्जुन नेहरे यास ऑनलाईन सायबर बिंगो (रोलेट) गेम मोबाईलमध्ये खेळण्यास भाग पाडले. मध्यंतरी रामदास नेेेेहरे यांना त्या खेळात त्यांची आर्थिक नुकसान व फसवणूक होत असल्याची जाणीव झाल्याने नेहरे यांनी सायबर बिंगो (रोलेट) गेम खेळणे बंद केले असता वरील संशयीतांपैकी अमोल बाबुराव कदम, रा. निफाड, दीपक चिंतामण सोनवणे, रा. लासलगांव व वैभव जगदीश बच्छाव, रा.जेलरोड यांनी काही दिवसानंतर नेेेहरेस भेटून तुझे हारलेले पैसे परत मिळण्याची सुवर्णसंधी आहे, असे सांगून नेेेेहरेचा विश्वास संपादन करून पैशाचे आमिष दाखवून पुन्हा ऑनलाईन सायबर बिंगो (रोलेट) गेम खेळण्यास प्रवृत्त केले. वरील संशयितांनी दिलेला विश्वास व पैशाचे अमिषामुळे रामदास नेहरेंचे वेळोवेळी अंदाजे एकुण रूपये 27 लाख 60 हजार रुपये ऑनलाईन सायबर बिंगो (रोलेट) गेममध्ये हारून आर्थिक फसवणुक केली आहे. त्याबाबत रामदास नेहरे हे कैलास शहा व राजकुमार त्रिंबकराव जाधव यांचेशी समक्ष बोलले असता त्यांनी नेहेरे याना दमदाटी करून हुसकुन दिले, अशी तक्रार रामदास नेेेेहरे यांनी नोंदविल्यावरून ओझर पोलिसांनी ऑनलाईन सायबर बिंगो (रोलेट) गेम खेळविणारे व चालविणारे वरील संशयीता विरूद्ध फसवणुकीचा गुन्हा दाखल केला आहे. अधिक तपास पोलीस निरीक्षक दुर्गेश तिवारी हे करीत आहेत.

error: Content is protected !!