नाशिक (प्रतिनिधी): प्रशांत डबरी यांनी वयाच्या ६२ व्यावर्षी एका अविस्मरणीय कामगिरीचा पराक्रम केला आहे. त्यांनी जर्मनीतील फ्रँकफर्ट आयर्नमॅन, जी जगातील सर्वात कठीण स्पर्धांपैकी एक मानली जाते, १३:४३ तासांत यशस्वीरित्या पूर्ण केली. ही त्यांची चौथी आयर्नमॅन स्पर्धा होती.ही स्पर्धा जगातील सगळ्यात खडतर स्पर्धा मानली जाते,ज्यात ४ किलोमीटर पोहणे,१८० किलोमीटर सायकलिंग आणि ४२ किलोमीटर धावणे या व्यतिरिक्त, प्रशांत डबरी यांनी साउथ आफ्रिकेतील प्रतिष्ठेची दोन सलग कॉम्रेड्स रन पूर्ण केल्या आहेत, त्यापैकी एक यंदा पूर्ण झाली. यंदाचा वर्षात साउथ आफ्रिकेतील Comrades अल्ट्रामॅरेथॉन व जर्मनी येथील Ironman करणारे प्रशांत हे भारतातील एक मेवा स्पर्धक त्यांनी मागील वर्षी देखील खडूरला ७२ किलोमीटर स्पर्धा आणि लगेचच ४२ किलोमीटरची लडाख मॅरॅथॉन देखील यशस्वीरीत्या पूर्ण केली आहे. प्रशांत डबरी यांच्या या असामान्य कामगिरीमुळे त्यांनी आपल्या शारीरिक आणि मानसिक क्षमतांचा सर्वोच्च कस लावला आहे. त्यांच्या या अविरत धडपडीने आणि कठोर परिश्रमाने भारतातील क्रीडा जगतात स्फूर्ती निर्माण झाली आहे. सर्वत्र त्यांच्या या अभूतपूर्व यशाचे कौतुक होत आहे. प्रशांत डबरी यांचे हे यश विशेष कौतुकास्पद आहे कारण त्यांनी वयाच्या ६२ व्या वर्षीही अशा कठीण आणि आव्हानात्मक स्पर्धा पूर्ण करून दाखवल्या आहेत. प्रशांत डबरी यांच्या धैर्य आणि कठोर परिश्रमाने सर्वत्र त्यांचे अभिनंदन होत आहे.
प्रशांत डबरी यांनी अत्यंत खडतर परिश्रम आणि समर्पणाच्या जोरावर ही स्पर्धा पूर्ण केली. त्यांनी या कामगिरीसाठी महिन्यांच्या तयारीतून आपले शारीरिक आणि मानसिक क्षमतांचे पातळी वाढविली होती. आयर्नमॅन स्पर्धा संपूर्ण जगभरात प्रतिष्ठेची मानली जाते, आणि प्रशांत यांनी ती यशस्वीरित्या पूर्ण करून भारताचे नाव जागतिक पातळीवर उज्वल केले आहे.
