मतदान केंद्राच्या आत मोबाइल नेता येणार नाही!

मतदानाच्या दिवशी मतदान केंद्राच्या आत मोबाइल नेता येणार नाही, असे जिल्हाधिका-यांनी स्पष्ट केले आहे. मतदान केंद्रावर मतदार सहायता कक्ष असणार आहे. तेथे बीएलओ उपस्थित राहून मतदारांना मतदारयादी भागातील मतदाराचा अनुक्रमांक शोधून देण्यासाठी मदत करतील. याशिवाय व्होटर हेल्पलाइन अ‍ॅपद्वारे मतदारांना त्यांचे मतदान केंद्र, मतदारयादी भागातील अनुक्रमांक माहीत करून घेता येईल. मतदान मेंद्रांवर भारत निवडणूक आयोगाच्या निर्देशानुसार पिण्याचे पाणी, मतदारांसाठी शेड, माहितीदर्शक फलक, टॉयलेट, व्हीलचेअर, पाळणाघर, स्वयंसेवक आदी सुविधा उपलब्ध केल्या गेल्या आहेत.