मद्य विक्रीची दुकाने बंद; लक्ष ठेवण्यासाठी भरारी पथके सतर्क

निवडणूक खुल्या, मुक्त आणि निर्भय वातावरणात पार पाडण्यासाठी १८ नोव्हेंबर रोजी सायंकाळी ६ वाजेपासून २० नोव्हेंबरला मतदान संपेपर्यंत कोरडा दिवस जाहीर करण्यात आला आहे. याशिवाय शनिवारी (दि. २३) मतमोजणीच्या दिवशीही संपूर्ण दिवस जिल्ह्यातील सर्व मद्यविक्रीची दुकाने बंद ठेवण्यात येणार आहेत. अवैध पैसा, दारू, भेटवस्तू वाटपावरही निर्बंध असतील. लक्ष ठेवण्यासाठी भरारी पथके सतर्क असून, याबाबत नागरिकांना सी विजिल अ‍ॅपवर तक्रार दाखल करता येणार आहे.