- पाथर्डी फाट्यावर १५५ हातगाड्या, टपऱ्या हटवल्या
- त्रिमूर्ती चाैकातही ३० अतिक्रमणांवर कारवाई
संध्या पाटील,
नाशिक (प्रतिनिधी): पाथर्डी फाटा येथे रस्त्यालगतअनधिकृत टपरीधारक व खाद्यविक्रेत्यांमुळे वाहतूक कोंडीत भरपडत असल्याने १० दिवसांपूर्वीच येथे अपघाताच्या २ घटनांमध्ये दोघांना आपले प्राण गमवावे लागले. अखेर पालिकेच्या अतिक्रमण निर्मूलन विभागाने मंगळवारी (दि.७) ११५ हातगाड्या, टपऱ्या हटवत तब्बल ट्रक भरून साहित्य जप्त केले.
पाथर्डी फाटा पंपासमाेर हॉटेलच्या भिंतीलगतअनधिकृत टपरीधारक, खाद्यविक्रेते यांची अतिक्रमणे काढताना गाेंधळ निर्माण झाला हाेता. मात्र, अतिक्रमणधारकांना गुन्हा दाखल करण्याचा इशारा दिल्यावर विनाअडथळा अतिक्रमण काढण्यात आले.
त्रिमूर्ती चाैकातही ३० अतिक्रमणांवर कारवाई करत येथे गाळेधारकांनी दुकानापुढे अनधिकृतपणे शेड टाकले हाेते. काही जणांचा स्वत:चा व्यवसाय तर काही जणांनी भाड्याने जागा दिली हाेती. त्यामुळे वाहतूक कोंडी होत असते. येथेही ३०अतिक्रमणे हटविण्यात आली.
