नाशिक कृउबासाठी भविष्यात पिंगळे विरुद्ध चुंभळे यांची लढाई मोठी परिणामकारक ठरू शकते?

नाशिक बाजार समितीत सभापती पिंगळेंविरोधात बंड!

बाजार समितीत सर्व कामकाज सुरळीत सुरू आहे. जे काही घडत आहे ते पैशांच्या जोरावर घडत आहे. शिवाजी चुंभळे यांनी भाजपमध्ये प्रवेश केला आणि हे प्रकार सुरू झाले. अविश्वास प्रस्ताव दाखल करण्यासाठी प्रत्येक संचालकाला ५० लाख रुपये आणि पोलिस बंदोबस्त देऊन फोडण्यात आले आहे. याबाबत उपमुख्यमंत्री अजित पवार यांची भेट घेणार आहे.

– देविदास पिंगळे, सभापती, नाशिक कृउबा

बाजार समितीत संचालकांचे कोणतेही काम होत नाही. साधे प्रोसिडिंग सुद्धा बघायला मिळत नाही. केवळ सह्या करायच्या आणि निघून जायचे, असा प्रकार सुरू होता. शेतक-यांना देखील कोणत्याही सुविधा मिळत नाही. एखादे स्वच्छतागृह बांधायचे तरी उपसभापतीला त्याचा अधिकार नाही.

– विनायक माळेकर, उपसभापती

बाजार समितीत शेतकरी, व्यापारी वर्गाला कोणत्याही सुविधा मिळत नाही. पिण्यासाठी स्वच्छ पाणी देखील उपलब्ध नाही. याबाबत मंत्री गिरीश महाजन यांच्या माध्यमातून मुख्यमंत्र्यांना भेटलो आणि सदर प्रकार त्यांच्या कानावर घातला. सभापतींच्या मनमानीमुळे इतर संचालक देखील त्यांच्या कारभाराला कंटाळल्याने ते माझ्याकडे आले आणि अविश्वास ठराव दाखल करण्याचा निर्णय घेतला आहे.

– शिवाजी चुंभळे, माजी सभापती