सेतू कर्मचारी दोन हजारांची लाच घेतांना रंगेहाथ पकडला

नाशिक (प्रतिनिधी): रेशनकार्ड धारकांची समस्या बिकट झाली असून कामानिमित्त सेतूकार्यालयालयात चक्रा मारून दमछाक होते. त्यात कर्मचा-यांची जास्त पौशांची मागणी. रेशनकार्ड स्वतंत्र करण्यासाठी दोन हजारांची लाच घेताना सुरगाणा येथील सेतू कर्मच-यास लाचलुचपत प्रतिबंधक विभागाने रंगेहाथ पकडले. सिताराम बनश्या पवार (वय ३५, रा. रानविहिर, पो. सतखांब, ता. सुरगाणा) असे लाच घेणा-या संशयिताचे नाव आहे. तक्रारदाराने रेशनकार्ड स्वतंत्र करण्यासाठी प्रकरण दिले होेते. त्या बदल्यात संशयिताने २ हजार रुपयांची मागणी केली. ही रक्कम स्वीकारताना लाचलुचपत विभागाने संशयितास रंगेहाथ पकडले. याप्रकरणी संशयितावर गुन्हा दाखल करण्याचे कामकाज रात्री उशीरापर्यंत सुरू होते. पोलीस उपअधीक्षक वैशाली पाटील, हवालदार शरद हेंबाडे, प्रफुल्ल माळी, संतोष गांगुर्डे, परशुराम जाधव, विलास निकम, अविनाश पवार यांच्या पथकाने ही कारवाई केली.