शनिवार व रविवारी पाथर्डीगावात रंगणार कुस्त्यांची दंगल!

नाशिक (प्रतिनिधी): यंदाची १४ वी उत्तर महाराष्ट्र केसरी कुस्ती स्पर्धा पाथर्डी गावात दि.२२ व २३ नोव्हेंबर रोजी आयोजित करण्यात आली आहे. राज्याचे शिक्षणमंत्री दादा भुसे यांच्या हस्ते शनिवारी सायंकाळी ४ वाजता स्पर्धेचे उद्घाटन होणार आहे. या स्पर्धेचे स्वागताध्यक्ष सुदाम डेमसे, कार्यक्रमाध्यक्ष सोमनाथ बोराडे आहेत. याप्रसंगी आमदार सीमा हिरे, आ. राहुल ढिकले, आ. सरोज अहिरे तसेच विजय करंजकर, अजय बोरस्ते, गोरखनाथ बलकवडे, प्रा. रवींद्र मोरे, उत्तम दळवी, मधुकर वाघ प्रमुख पाहुणे म्हणून उपस्थित राहणार आहेत. रविवारी(दि. २३) सायंकाळी ७ वाजता मुलींच्या कुस्ती स्पर्धेचा बक्षीस वितरण समारंभ होणार असून, तो गोदावरी बँकेच्या अध्यक्षा अमृता पवार यांच्या हस्ते पार पडेल.