कारच्या धडकेत दोघा सख्ख्या भावांसह युवकाचा मृत्यु

वणी (प्रतिनिधी): पिंपळगाव रस्त्यावर शुक्रवार, ता. ६ रोजी रात्री साडे नऊ वाजेच्या सुमारास बोराळे फाट्याजवळ वणी बाजूकडून पिंपळगावकडे भरधाव वेगाने जाणारी तव्हेरा मोटरकार क्र. एम.एच. 19/ए.पी/9933 हिने मोटार सायकल क्र. एम. एच.15/बी.ए./2229 ला पाठीमाघून जोरदार धडक दिल्याने या धडकेत मोटरसायकलवरील गौरव तुकाराम पवार वय २०, मंगेश रमेश हीलीम, वय २३ व विजय रमेश हीलीम वय १६ रा. कारसुल, ता. निफाड हे गंभीर जखमी होवून त्यांचा रुग्णालयात दाखल करण्यापूर्वीच मृत्यु झाला. याबाबत कारचालकावर शरद माधव पवार, रा. कारसुल यांच्या फिर्यादीवरुन अपघाताचा गुन्हा दाखल करण्यात आला आहे. अपघातात मृत्यु पावलेले मंगेश हिलीम व विजय हिलीम हे सख्खे भाऊ असून ते वणी येथील जमिर शेख यांच्या शेतात शेतमजुर म्हणून काम करीत होते. ते वणी येथे कारसूल येथे जात असतांना त्यांच्यावर काळाने घाला घातला.