वणी येथे गळफास घेऊन एकाची आत्महत्या

वणी (प्रतिनिधी): कसबे वणी येथील इंदिरानगर परिसरात राहणाऱ्या व्यक्तीने गळफास घेऊन आत्महत्या केल्याने खळबळ उडाली आहे. याबाबत मिळालेली माहिती अशी की भारत मधुकर वाघमारे (वय: ४२) रा. इंदिरानगर, कसबे वणी, ता. दिंडोरी, जि. नाशिक या व्यक्तीने सकाळी सहा वाजेच्या पूर्वी केव्हातरी राहत्या घरात अडगाईला नायलॉनच्या दोरीच्या साह्याने गळफास घेऊन आत्महत्या केल्याची खबर मयताचा भाऊ योगेश मधुकर वाघमारे वय ४०,रा. इंदिरानगर, कसबे वणी, ता. दिंडोरी जि. नाशिक यांनी वणी पोलिसांत दिली. त्यास वणी ग्रामीण रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले. वणी पोलिसांत याबाबत आकस्मात मृत्युची नोंद केली असून अधिक तपास स.पो.नि. सुनिल पाटील यांच्या मार्गदर्शनाखाली पो.ह.देशमुख करीत आहे.