जॉब हवा आहे का? इंडियन एअरफोर्समध्ये अग्निवीरच्या जागा भरणार

नाशिक (प्रतिनिधी): भारतीय वायु सेनाच्या वतीने अग्नीवीरच्या जागा भरण्यात येणार आहे. यात किती जागा भरणार हे अद्याप जाहीर करण्यात आलेले नाही. अर्ज करण्याची प्रक्रिया ८ जुलैपासून सुरु होईल. उमेदवारांना २८ जुलैपर्यंत अर्ज करता येतील. यासाठी अर्ज शुल्क ५५० रुपये आहे. अधिक माहिती आणि अर्ज करण्यासाठी उमेदवारांनी agnipathvayu.cdac.in संकेतस्थळ पहावे असे आवाहन करण्यात आले आहे. यासाठी शैक्षणिक पात्रता उमेदवार हे मान्यता प्राप्त बोर्डातून बारावीत फिजिक्स, केमिस्ट्री, मॅथ्स विषय घेवून उत्तीर्ण असावेत. तसेच संबधित इंजिनिअरिंग डिप्लोमा झालेले असावेत. उमेदवारांची निवड ही लेखी परीक्षा, कागदपत्रांची पडताळणी, शारीरीक चाचणी आणि वैद्यकीय तपासणीद्वारे होईल.