संत निवृत्तीनाथांचे दर्शन घेण्यासाठी राज ठाकरे सहकुटूंब येणार

नाशिक (प्रतिनिधी): संतश्रेष्ठ निवृत्तीनाथ महाराजांच्या पालखी सोहळ्यासाठी महाराष्ट्र नवनिर्माण सेनेचे अध्यक्ष राज ठाकरे, त्यांच्या पत्नी शर्मिला ठाकरे आणि विद्यार्थी सेनेचे अध्यक्ष अमित ठाकरे हे उपस्थित राहणार आहे. त्यासाठी ठाकरे हे सहकु टूंब दि. १९ व २० रोजी नाशिक दौºयावर येत आहे. श्री क्षेत्र त्र्यंबकेश्वर येथून दरवर्षी आषाढी एकादशीनिमित्त त्र्यंबकश्वर ते पंढरपूरपर्यंत पायी दिंडी सोहळ्यात हजारो भाविक सहभागी होतात. संत निवृत्तीनाथांच्या दिंडीला मानाचे स्थान असल्याने याच पालखीचे दर्शन घेण्यासाठी राज ठाकरे सहकुटूंब येणार असल्याची माहिती पक्षाचे प्रदेश सरचिटणीस तथा माजी महापौर अशोक मुर्तडक, प्रदेश उपअध्यक्ष सलीम शेख, शहर अध्यक्ष सुदामभाऊ कोंबडे, प्रदेश उपाध्यक्ष रतनकुमार इचम, जिल्हा अध्यक्ष अंकुश पवार, माजी शहर अध्यक्ष दिलीप दातीर यांनी दिली आहे.