पोलिस भरती मैदान चाचणी; दाेन तृतीयपंथीयांसह ४९ उमेदवार ठरले पात्र

नाशिक (प्रतिनिधी): शहर पोलिस दलात शिपाई पदाच्या भरती प्रक्रियेत रविवारी बोलावण्यात आलेल्या ५४ उमेदवारांपैकी ४९ उमेदवार मैदानी चाचणीसाठी पात्र ठरले. यामध्ये २ महिला, २ तृतीयपंथी, २ माजी सैनिकांचा समावेश आहे. यापैकी ५ उमेदवार उंची मध्ये अपात्र ठरले. भरती प्रक्रियेत काही कारणास्तव उपस्थित न राहिलेल्या उमेदवारांना मैदानी चाचणीसाठी बोलावण्यात आले होते. यात पुरुष, महिला, तृतीयपंथी, माजी सैनिक हजेरीपट, शारीरीक मोजमाप, व मैदानी चाचणी करीता उपस्थित होते. दिवसभरात ४९ उमेदवारांची चाचणी पूर्ण करण्यात आली. चाचणीमध्ये एकाही उमेदवाराला दुखापत झाली नाही. मैदानावर चाचणीकरिता उपस्थित उमेदवाराला परीक्षकांनी सूचना दिल्या. कुठलाही त्रास होत असल्यास चाचणी न देण्याचा सल्ला दिला जात असून अशा उमेदवारांना पुन्हा संधी दिली जात आहे.