ऑनलाईन गेमच्या जाळ्यात फसला व जीवन संपविले!

नाशिक (प्रतिनिधी): ऑनलाईन गेम च्या नावाखाली सर्रासपणे ऑनलाईन जुगारच सुरू असून यावर कुठेतरी अंकुश लादला गेला पाहिजेत, यामुळे अनेक लोकांसह लहान मुले देखील यावर पैसे लाऊन गेम नव्हेतर जुगारच खेळत आहे. अशाच एका ऑनलाईन गेममुळे अवघ्या सोळा वर्षाचा मुलगा बळी ठरला आहे. नाशिक येथील नाशिकरोड परिसरातील डायना नगर, जय भवानीरोड या भागातला सम्राट संदीप भालेराव (वय: 16 वर्ष) मुलगा ऑनलाइन गेम मध्ये पैसे हरला. यातून आलेल्या नैराश्यामुळे त्याने टोकाचे पाऊल उचलत आपले जीवन संपवले. या घटनेने येथील परिसर हळहळला आहे. सम्राटच्या पश्चात आई आणि दोन बहिणी असा परिवार आहे. घरात एकमेव पुरुष असलेल्या सम्राटवर पुढे मोठी जबाबदारी होती, मात्र त्याच्या अकाली निधनाने कुटुंबावर शोककळा पसरली आहे. मुख्य म्हणजे, या घटनेनंतर तरी प्रशासनाचे व पोलीस यंत्रणेचे डोळे उघडले अशा जुगार खेळवणाऱ्यांवर कारवाई केली जाईल का. हा संतप्त सवाल नातेवाईकांकडून उपस्थित केला जात आहे. आजून कितीतरी तरूण या ऑनलाईन जुगाराचे शिकार झाले असतील.